Cool Blue Outer Glow Pointer

bleaching part 5



أي حاجة ليها الـ😈complications بتاعتها ..
ايه بقى المضاعفات اللي ممكن تحصل مع التبييض ؟
فيه حاجات ممكن تحصل للhard tissue وحاجات ممكن تحصل للsoft tissue ..
🔷 بالنسبة للhard tissue ..
ممكن يحصل sensitivity – uneven bleaching – relapse
🔶 بالنسبة للsoft tissue ..
ممكن يحصل chemical burn - mechanical injury from tray
🔸نبدأ بالsoft tissue ..
اللي هي الgingiva يعني ..
إذا حصلها chemical burn ..
بنجيب من الصيدلية كبسولات فيتامين هـ ..
نفتح الكبسولة ونتأكد أن السائل اللي جوا شفاف عديم اللون .. فيه منهم بيكون السائل أصفر .. وده هيضيع تعب التبييض XD ..
ادهن السائل على الgingiva فقط (مايجيش عالأسنان) باستخدام cotton ear buds
🔹بالنسبة لل hard tissue ..
الuneven bleaching طبيعي أنه يحصل .. بعد أسبوع كله هيبقى زي بعضه .. ف طمن العيان
الrelapse يا إما short term يا إما long term ..
الshort term ده طبيعي جدا بسبب الREhydration والREmineralization .. واللون هيثبت بعد أسبوع ..
أم الlong term .. ف لازم تنصح العيان أنه يقلل من البيبسي والسكريات والأطعمة الملونة ( اللي بيبقع الملابس .. بيبقع الأسنان :D ) .. ولازم العيان يوقف القهوة والشاي والسجاير لمدة أسبوع بعد التبييض
💠 أكبر complication واللي هنتكلم عنه بالتفصيل شوية .. هو الSENSITIVITY ..
المشكلة دي ممكن تفضل مع العيان لمدة أسبوعين ..
مبدئيا كده .. لــــــــــيـــــــه بيحصل حساسية ؟
عشان الfree OH◦ radicals ممكن تخبط في الnerve endings ..
ساعات بقى أثناء جلسة التبييض العيان ممكن يجيله ألم شديد مفاجئ وبعدها يختفي ..
الحالة دي اسمها Zingers ..
سببها هو وجود cracks صغيرة أنت مش شايفها في الأسنان ..
الfree radicals بتخش من خلال الشقوق الصغيرة دي للpulp ..
الpulp فيه catalase enzyme .. بيحول الradicals لميا وأكسجين ..
فقاعة الأكسجين تكبر شوية شوية لحد ماتفرقع ..
ف يزيد الضغط في الpulp فجأة ..
ف يحصل ألم شديد فجأة .. بعدها يهدى
التبييض الin-office بيكون 3 cycles.. إذا بعد أول واحدة الحساسية كانت جامدة قوي .. ممكن نأجل باقي الcycles ونعملهم بعد كذا يوم
عرفنا المشكلة ايه وبتحصل ازاي .. عايزين نعرف الــــــــحل ..
فيه نوعين من الحلول ..
Active .. وده بأننا نستعمل حاجات بتقلل الحساسية .. زي Potassium Nitrate – Calcium Phosphate – Flouride
Passive .. وده أننا نقلل تركيز الbleaching agent أو نقلل الوقت اللي بنعمله application فيه ..
الPotassium Nitrate ..
مفعوله سريع لكن بيروح بسرعة
fast acting but only for a short duration
الCalcium Phosphate ..
بيشتغل عن طريق أنه بيعمل remineralization ..
مفعوله بطيء لكن بيشتغل لفترة طويلة
ايه الحاجات اللي موجودة في السوق للحساسية ؟
MI paste – Ultra Ez – Relief ACP
الMI paste
عبارة عن amorphous calcium phosphate
وأخوه الMI paste plus .. ده فيه فلورايد كمان ..
مالوش لون .. ليه أطعام مختلفة .. سعره في حدود 150 جنيه ..
بيتحط على bleaching tray مرتين في اليوم ..
أو العيان يستعمل صباعه يعمل بيه application على أسنانه .. يسيبه لمدة 5 دقايق .. يتف الزيادة بس مايمضمضش خالص .. ويفضل ساعتين بدون أكل ولا شرب ..
تأثيره بيكون فعال بعد أسبوعين لشهر
الUltraEz
عبارة عن 3% Potassium Nitrate و 0.11% Flouride ..
تأثيره سريع ..
بيتحط لمدة 15 دقيقة لساعة في اليوم
الRelief ACP
عبارة عن 5% Potassium Nitrate و 0.22% Flouride و Calcium Phosphate ..
سعره في حدود 120 جنيه ..
بس كميته قليلة ف بيخلص على طول بعد استعمال يومين أو تلاتة ..
ف الMI paste أوفر
95%🤔 من حالات التبييض مابيحصلهاش حساسية .. لكن 5% بيجيلهم حساسية جامدة ..
ف better safe than sorry ..
لذلك اتبع نظام واحد لكل العيانين :
- اعمل bleaching tray
- استعمل MI paste لمدة أسبوع قبل التبييض
- بعد التبييض .. استعمل Relief ACP لمدة يومين أو تلاتة
- كمل على MI paste لمدة أسبوعين كمان
ممكن تدي العيان Brufen 600 mg قبل التبييض .. لكن زي ماقلنا ممنــــــــــوع البنج أثناء التبييض !
(( الFlour Opal ممنوع نستعمله بعد التبييض .. لونه أصفر وهيضيع نتيجة التبييض ))
الحمد لله كده وصلنا لنهاية سلسلة البليتشينج
دعوة حلوة بظهر الغيب , وانتظرونا فـ سلسلة جديدة ان شاء الله 


__________________________

الجزءالرابع الجزء الخامس



 __________________________

جميع الاجزاء محفوظة لـ جروب اطباء اسنان
اكبر جروب لاطباء الاسنان فى مصر انضم اليه الان
للانضمام اضغط هنا

  • Digg
  • Del.icio.us
  • StumbleUpon
  • Reddit
  • RSS