Cool Blue Outer Glow Pointer

bleaching part 3


بعد ما خلصنا اول 3 اجزاء .. واتكلمنا فيهم عن
1⃣ عرفنا فى الجزء الاول احنا ليه بنعمل بليتشينج اصلا وايه هو علاج ال external stains وازاى اعرف shades بتاع السنة 2⃣ فى الجزء الثانى عرفنا ازاى نعالج ال internal stains 3⃣ اما بقى الجزء الثالث اتعرفنا على الـ bleaching agents
اول 3 اجزاء هتلاقى الرابط بتاعهوم فى اول كومنت 😍
4⃣ ونوصل بقى النهاردة للجزء الرابع ايه هي طرق التبييض ؟
1⃣ In Office Bleaching
وده بيتقسم لـ chemical و light
2⃣ Home Bleaching 3⃣ Over the Counter (OTC) نبدأ من الاخر بال OTC ..
ده لا يمكن الاعتماد عليه .. غير آمن .. ومش evidence based ..
هو ممكن يتم استخدامه للحفاظ على نتيجة التبييض الprofessional ..
طب لو عيان جالك وسألك ممكن أستعمله ولا لأ ؟
الرد أنه إذا الأسنان مافهاش calculus .. ومافهاش sensitivity .. ومافهاش root exposure .. ولونها فاتح ..
ممكن يستخدمه ..
إذا فيه شرط من دول مش موجود .. لازم يتم علاج المشاكل دي الأول ..
بعدها ممكن استخدامه ..
بس ننبه العيان أن الناس مش هتاخد بالها من الفرق
بالنسبة للwhitening tooth pastes ..
فيه أنواع فيها abrasives .. دي مضرة جدا وماينفعش حد يستعملها !
فيه أنواع بتحتوي على hydrogen peroxide.. ودي ممكن استعمالها ..
نعرف ازاي ؟؟
نقرأ الingredients ;)
أما بالنسبة للhome & in office bleaching techniques ..
ف كلها بتدي نفس النتائج ..
ولكن ZOOM هيكون معاه حساسية أقل (عشان فيه ferrous gluconate ف مش بيطلع حمض كتير زي ما سبق وقلنا)
الWOW effect بتاع التبييض بيكون بسبب الdehydration والdemineralization ..
بعد أسبوع بيحصل rehydration و remineralization ..
ف شدة بياض الأسنان هتخف شوية
لما نقرأ في الأبحاث اللي عن التبييض .. ازاي نقدر نحدد البحث ده دقيق ولا لأ ؟
- يكون فيه مقارنة بين الbleaching techniques المختلفة في نفس العيان بالsplit arch ..
يعني بق العيان يتقسم نصين ..
نص يتعمل عليه تبييض بطريقة .. والنص التاني بطريقة تانية
- المقارنة بين نتائج الطرق المختلفة لازم تكون بعد الrehydration
🔦 ايه هي فائدة الضوء ؟
الضوء بيقدر يخلي الferrous gluconate يفقد الكترون ويتحول لferric ..
وده فايدته ايه ؟
الأول الferrous بيتفاعل مع الميا لما يتم استخدامه كالآتي:
Fe²⁺ + H₂O Fe³⁺ + OH⁻ + OH°
ال OH°ده free radical .. قوي يكسر الصبغات ..
أما ال OH⁻ده ion ضعيف مايقدرش يكسر ..
بعد ده .. بيتم تفاعل تاني كالآتي:
Fe³⁺ + OH⁻ + LIGHT (UV or 465 nm) Fe²⁺ + OH°
يعني الferric اللي طلع من التفاعل الأول ..
مع الion الضعيف اللي لا حول ليه ولا قوة ..
في وجود الضوء ..
بيتفاعلوا مع بعض ويدوا radical قوي يكسر الصبغات ..
وبيدونا كمان ferrous اللي بيرجع يتفاعل مع الميا في أول معادلة ويطلعلنا more free radicals ..
كده الحاصل 2 free radicals تم الحصول عليهم على مرحلتين ..
وبكده بقى عندنا less acidity ..
وmore whitening effect ..
هل ده معناه أن التبييض بالضوء نتايجه أفضل ؟!
لأ ..
شركة Zoom .. اللي هي واخد براءة الاختراع ..
اللي هي الشركة الوحيدة اللي بتستعمل الferrous gluconate ..
اللي هي برضه الشركة الوحيدة اللي استعمال الضوء معاها بيكون ليه نتيجة فعلية ..
الشركة دي بتستعمل تركيز أقل من الhydrogen peroxide ..
وبالتالي بتدي نفس نتائج التبييض الchemical بدون ضوء .. لكن بحساسية أقل
أومال ليه دايما التبييض مرتبط في ذهننا بالضوء الأزرق ده ؟!
عشان الدعايا بتتم كده .. عشان العيان بييجي متوقع أنك هتسلط عليه ضوء أزرق ..
ف بنعمل كده لرضا العيان فقط .. مالوش لازمة ..
مــــــــــــاعدا في منتج شركة Zoom ..
بس لازم تفهم العيان ..
أن الlight والchemical ليهم نفس تأثير التبييض .. لكن حساسية أقل ..
وفهمه برضه أن ال in-office نفس تأثير الhome bleaching .. وهو يختار على حسب ظروفه المادية وحسب الوقت اللي عايز ياخد فيه نتيجة التبييض
---------------------------------------------------
ايه الأنواع اللي موجودة في السوق ؟
- الlight bleaching ..
منتج Zoom فقط (في حدود 3000 جنيه)
- الchemical bleaching ..
فيه Dash (1500 LE) وفيه Opalescence Boost (1000 LE) وفيه White Smile YF (400 LE)
- الhome bleaching ..
منتج NiteWhite 22% CP
(( المنتجات للذكر لا للحصر .. والأسعار تقريبية ))
-------------------------------------------
بالنسبة للHome Bleaching ..
اللي مش واخد حقه عند الدكاترة بالرغم من أنه سهل, آمن, ورخيص :D
فيه 4 حاجات ممكن تستخدمها ..
أولا .. ال Hydrogen Peroxide ..
- بتركيز 6.5%
يتم استعماله لمدة 30 دقيقة .. مرتين في اليوم .. لمدة أسبوعين
- بتركيز 9.5 – 14 %
بيستعمل لمدة 15 دقيقة .. مرتين في اليوم .. لمدة أسبوعين
ثانيا .. الCarbamide Peroxide ..
- بتركيز 10%
بيتم استعامله أثناء فترة النوم .. لمدة أسبوعين
- بتركيز 16 – 22 %
بيتم استعامله أثناء النوم .. لمدة أسبوعين
امتى أستعمل أنهي ؟!
إذا العيان ماعندهوش حساسية في أسنانه ..
نستعمل Hydrogen peroxide ..
التركيز على حسب العيان يقدر يستحمل الbleaching tray في بقه قد ايه ..
إذا العيان مش فارق معاه الوقت ..
الأأمن نستعمل Carbamide peroxide 16-22%
ليه الCP بيتم استعماله overnight ؟
عشان بيتكسر ببطء ..
ولــــــــكـــــــــــــن ..
عشان يتكسر .. بيحتاج ميا ..
وأثناء فترة النوم .. الsalivary flow بيكون قليل جدا .. ف ده بيبطأ تكسير الCP ..
ف وجد أن الأفضل استعمال الCP لمدة ساعتين والعيان صاحي .. مش نايم
إذا بعد استعمال 22% CP .. العيان جاتله حساسية جامدة قوي في أسنانه ..
استعمل تركيز 16% ..
إذا استمرت الحساسية .. استعمل ال10%
إذا عيان جالك عنده cracks في أسنانه ..
ومحتاج يعمل تبييض بسرعة .. يعني in-office ..
ابدأ الأول بالhome bleaching عشان تتأكد اذا عنده حساسية ولا لأ ..
إذا ماحصلش حساسية من الhome .. تقدر تعمله in-office وانت متطمن ..
أما إذا حصل حساسية في الأسنان من الhome.. ده معناه أن الcracks عميقة .. وبالتالي مافيش حل غير الhome bleaching فقط
بالنسبة للtetracycline stains ..
المفروض أنه في عصرنا ده تكون مش موجودة عشان الأطباء عارفين خطورته ..
ولكن .. ليه برضه بيحصل لناس ؟
عشان هو بيستعمل في علاج حب الشباب ..
ف ممكن واحدة تاخده وهي ماتعرفش لسه أنها حامل ..
هل ممكن يروح بالتبييض ؟
آه ممكن .. باستخدام 10% CP ساعتين يوميا لمدة 6 شهور ..
إذا حصل حساسية في الأسنان ..
نستخدمه يوم آه يوم لأ .. بدل كل يوم ..
لو العيان مستعجل على نتيجة التبييض ..
ممكن نستعمل تركيز 16% لمدة 3-4 شهور ..
ولكن إذا حصل حساسية مع زيادة التركيز ..
نرجع نقلله تاني ل10%

__________________________
الجزء الثانى  الجزءالرابع



__________________________

جميع الاجزاء محفوظة لـ جروب اطباء اسنان
اكبر جروب لاطباء الاسنان فى مصر انضم اليه الان
للانضمام اضغط هنا

  • Digg
  • Del.icio.us
  • StumbleUpon
  • Reddit
  • RSS