Cool Blue Outer Glow Pointer

اضغط على علامة الماسنجر ليصلك كل جديد فى رسالة على الماسنجر

.

management of ledged canals


بسم الله الرحمن الرحيم

ازيكو يا جماعه
النهارده هنقولاييييه؟؟
هنقول نعدي ليدج ازاي
استعنا عالشقا بالله
ركز معايا يا عمونا
اول حاجه هو ايه الليدج دا؟؟؟
دا يا سيدي عباره عن سلمه كده جوا الكانال 
طيب و دي ايه مشكلتها؟؟؟
 مشكلتها انها رخمه قوي كل ما نيجي نخش في بالفايل في الكانال نلاقي الفايل يقف يريح عندها و هي تقوله و النبي ما انت رايح في اي حته و خليك قاعد جنبي هنا
طب و ايه المشكله؟؟
المشكله ان دا معناه اننا مش قادرين نوصل لباقي الكانال اللي تحت الlevell بتاع الليدج دا و ننضفها
طيب نعمل ايه بأه في البتاعه المقرفه دي
ركز معايا كمان مره
الاول هنحط فايل في الكانال لغاية الليدج و ناخد x-ray
طب ليه؟؟؟
عشان اعرف level الليدج دا فين بالظبط
و اعرف هو في انهي wall
يعني buccle ولا lingual ولا هو في انهي اتجاه بالظبط
طيب و بعدين؟؟؟
بعد كده اعمل precurve لاخر مللي او اخر 2 مللي لفايل 10 بزاويه 45 درجه
شوية EDTA عشان الظفلطه
و نخش في الكانال
بتخش بالراحه خااالص لغاية ما توصل لمكان الليدج 
اول ما توصل ما تزقش نهائي و ماتحاولش تضغط على الفايل لتحت نهائي
احنا دلوقتي عندنا الليدج في الwall اللي ناحية الmesial مثلا 
يبأه غالبا الناحيه المفتوحه من الكانال فييييين؟؟؟
بالظبط كده
ناحية الdistal 
يبأه نوصل بالفايل لليدج و نقوم نلف بالفايل 180 درجه بالراحه و انت ضاغط لتحت ضغطه بسيطه لغاية ما تلاقي الفايل بينزل معاك و لو حاجه بسيطه 
اول ما ينزل يبأه انت كده عديت
اطلع بأه؟؟
لا طبعا 
هتخش بأه ب Watch winding motion لغايه ما تعدي الليدج دا ب3 او 4 مللي على الاقل
و بعد كده تبدأ تسحب الفايل على الليدج كأن بتعمل prushing motion كده عليه عشان ينعم شويه
طب و بعدين؟؟؟
شوية اريجاشن حلوين لزوم الصحصحه و عشان نطلع الdepriess و الحاجات اللي مالهاش لزمه دي 
طيب بعد كده ؟؟؟؟
بعد كده نكرر العمليه دي تاني بفايل 100 برض بس المره دي هتكون اسهل طبعا لاننا نعمنا السلمه الرخمه دي شويه و فتحنا الكانال حبتين بعد كده نفضل نكرر الموضوع دا مره و تنين و تلاته لغايه ما الفايل 10 يبأه سهل في دخوله و بعدي بسهوله لغاية اخر الكانال
و كده خلصنا؟؟؟
لا احنا هنجيب فايل 15 و نكرر العمليه دي تاني
برضه لغاية ما الفايل يخش سهل
بعد كده 20 و بعد كده 25 
خللي بالك بأه 
طول ما انت مضطر تعمل precurvee للفايل المانيوال عشان تعرف تعدي و تدخل جوا الكانال اوعى اوعى اوعى تخش بفايل روتاري 
لو دخلت بفايل روتاري هتزود الليدج
طيب ايه كمان؟؟
الEDTA حلوه
لا بجد حلوه و بنت حلال و هتسهلك الدنيا كتير 
ايه كمان؟؟
الاريجاشن بكلور دافي بيساعد برضه
واخد بالك انت من دافي دي
دا لمصلحتك انت والله
بس خللي بالك لازم نفصل بين الEDTA و الكلور على الاقل بسرنجه saline
ايه كمان؟؟
بلاش عنف نهاااااااائي في الموضوع دا خصوصا و في الاندو عموما 
 الغشومية نهايتها وحشه و انت اللي هتزعل في الاخر و ربنا

مقال مقدم من صديق الصفحة
mohammed nageeb zeyada
برجاء الدعاء له بذكر الغيب

  • Digg
  • Del.icio.us
  • StumbleUpon
  • Reddit
  • RSS

اضغط على علامة الماسنجر ليصلك كل جديد فى رسالة على الماسنجر

.