Cool Blue Outer Glow Pointer

endodontic diagnosis

مقال مقدم من صديق الصفحة
mohammed nageeb zeyada
برجاء الدعاء له بذكر الغيب

بسم الله الرحمن الرحيم

استعنى عالشقى بالله

المره دي هنقول اندو
طيب هنتكلم على ايه في الاندو
احنا ناويين ناخد الاندو واحده واحده كده من اوله لآخره ان شاء الله
طيب يبأه هنقول ايه ؟؟؟؟
هنقول diagnosis
ركز معايا يا عمونا
مبدئيا كده الdiagnosis دا بييجي ازاااااي؟؟
بييجي من شوية حاجات فوق بعضها كده
اول حاجه المعلومات اللي انت بتاخدها من العيان
تاني حاجه الحاجات اللي انت بتشوفها clinically في فم العيان
 تالت حاجه العلم اللي عندك اساسا و هو دا اللي بيرتب المعلومات السابقه و بيساعدك تاخد الحلو من هنا و تحطه على الحلو من هنا عشان تعمل السليمه
طيب اول حاجه بنعملها اننا بناخد الchief complaintt من المريض و على حسب اللي هيقولهولي هبدأ اشوف
يعني قالي بيوجعني مع البارد يبأه اول تست اني احط حاجه بارده على الضرس و اشوف
قالي بيوجعني مع المضغ يبأه نبدأ بالبركشن 
و هكذا
طيب ناخدهم واحده واحده كده بأه
احنا ممكن نقابل ايه؟؟؟
عندنا الآتي
Reversible pulpitis
Irreversable pulpitis
Necrotic pulp
Preapical periodontitis( acute & chronic)
Preapical abscess (acute & chronic)
طيب و بعدين؟؟؟

احنا هنتكلم في البوست دا عن التالته اللي في الاول بس
طيب ناخدهم ورا بعض كده في السريع
الreversible pulpitis
العيان هيقولك ايه؟؟؟
هيقولك بيوجعني اساسا مع الساقع او السكريات
طيب الالم دايم
لا الالم مش دائم
يعني لما ياكل حاجه ساقعه يوجع راحت الحاجه الساقعه ما يوجعش
طيب ممكن يكون الالم دائم في الحاله دي امتى؟؟؟
 في حاله واحده بس انه ياكل حاجه مسكره و بتلزق في الاسنان فبالتالي الحاجه اللي عملالي المشكله موجوده فبالتالي الالم موجود فماتتلخبطش في الحته دي يا معلم بينه و بين الirreversable
 طيب دا طبعا مش محتاج اندو

طيب اللي بعدو

ال irreversible pulpitis

هنا العيان نظامه ايه؟؟؟
هنا العيان هيقولك ساقع بيوجع
و سخن بيوجع
و الوجع شغال عل طوووول 
يعني بياكل حاجه ساقعه او مابياكلش بياكل حاجه سخنه او مابياكلش الوجع شغال
عرض مستمر يعني
دا طبعا محتاج اندو ضروري و ممكن تعمله على جلسه واحده مادام مادخلش في  preapical periodontits

طيب اللي بعدو

عندك الnecrotic pulp

طيب نظامه ايه دا كمان
دا عيان زي الفل
هيقولك ايه بأه؟؟؟
هيقولك الضرس دا وجعني قوي من فتره و خف لوحده جاي عشان الحقه اوعشان مكسور او مخروم
طيب البارد هيوجعه
لا
السخن هيوجعه
لا
طيب البركشن
لو لسا مافيش مشاكل preapical يبأه برضه لا
اومال ايه اللي هيأثر فيه
حاجه واحده بس
ايه هي يا معلم؟؟؟
اني اعمل عليه ابليكاشن بسخن لفتره طويله و مستمره
في الحاله دي هيوجعه لانك هتعمل تمدد للغازات اللي جوه اللي هتعمل ضغط اللي هيعمل الالم
طيب دا طبعا محتاج اندو بس ماينفعش على جلسه واحده
اومال هنعمل ايه؟؟؟؟
اول جلسه هنشيل البالب كله ماعدا الapical third 
طيب ليه يا معلم
 عشان انت ممكن لو عملت كده تزق شوية حاجات حلوه كده تحت الايبكس و كده هدخل نفسك في ليله تانيه
يبأه اول جلسه هنشيل تلتين البالب بس و نقفل
تاني جلسه هنشيل الباقي و cleaning & shaping
و نحط intracanal medication 
تالت جلسه اوبتيوراشن
طيب فيه كام نقطه كده عالسريع
فيه حاله كده بتبأه hot case 
دي نادره شويه
طيب دي ايه حكايتها
دي بتبأه حاله فيها الم شديد و مابيريحوش غير الساقع 
هتلاقيه جايلك و في ايده زجاجه ميه ساقعه 
 طبعا دا لازم تبدأ معاه اندو على طول

طيب فيه كمان حاله كده 

اللي هي ايه يا معلم

اللي هي asymtomatic irreversable pulpitis
دا بأه عيان باشا
دا مر بكل المراحل
حلوها و مرها
و دلوقتي الضرس عامل زي الحله و ديييييييب جدا 
و مابيوجعش نهائي ولا عمره وجعه
طيب لما تشوف حاله كده لاااازم قبل ما تمد ايدك لازم تقله ان فيه احتمال يبأه محتاج اندو 
 عشان ممكن و انت بتعمل اكسكافاشن بس ممكن تفتح البالب و لو حلفتله على الميه تجمد بعد كده انه اساسا عايز اندو مش هيصدقك لانه عمره ماوجعه في حياته
طيب ايه كمان
الكالسيوم هيدروكسيد اللي بنحطه في الكانال 
اخره سبع ايام
بعد كده مالوش اي تأثير 
 يبأه لازم نشيله و نحط جديد بعد سبع ايام لان فيه ناس بتسيبه اسبوعين و يمكن شهر كمان و مفكرين ان كل دا هو شغال و بيجيب تأثير
طيب حاجه كمان
البالب لو vital و مافيش اي مشاكل preapical ممكن اخلص الحاله في زياره واحده 
طيب ايه كمان
لازم تشيل البالب بالكامل في اول زياره لو مش هتخلصه في زياره واحده
البالب necrosed او فيه اي مشاكل preapicall ماينفعش اخلص الحاله على زياره واحده نهائي

الجزء الثانى اضغط هنا

  • Digg
  • Del.icio.us
  • StumbleUpon
  • Reddit
  • RSS