الاندو من غير رابر دام دا مش اندو نهائيا 

و اي نوع تاني من الisolationn ماينفعش

عايزين نشيل البالب و ننضف كويس و نقفل قفلة معلمين

تمام كده

طيب دا هييجي ازاي الكلام دا 

بشوية حاجات كده ناخد بالنا منها

اولا لازم يكون معاك قبل ما تفتح فيلم x ray 

طيب ليه

عشان نحدد عدد الcanales و طولها تقريبا و الcurvature اللي فيهم

طيب ايه كمان؟؟

احسن حاجه بتحدد طول ال canal هي الapixlocator  و موضوع انك تحط فايل في الكانال و تاخد فيلم اشعه و كده انت بتحدد الطول صح دا حماده

دا يستخدم للتأكيد بعد الapixlocator

طيب ايه كمان؟؟

اول فايل هتستخدمه لازم يكون فايل 10 او اقل و بلاش فايل ال20 اللي بتبدأ بيه دا يا مفتري

طيب ايه كمان؟؟

في شغل المانيوال وسع كويس coronally الاول باستخدام gates gliden او بالsx المانيوال

هتوسعلك الدنيا و تسهل دخول الفيلات بعد كده و تخليها زي السكينه في الحلاوه

طيب ايه كمان؟؟

اقل ماستر كون توصله هو 35 لان اقل مقاس للايبكس بيكون غالبا 255 فبالتالي لازم توسع كويس لغاية 35 او 40 على الاقل

طيب ايه كمان؟؟؟

طيب خدها قاعده بين كل فايلين مانيوال اريجاشن

و بين كل فايلين روتاري فايل مانيوال

طيب من النقطه اللي فاتت دي فيه نقطتين مهمين جدا

اولا فايل ال10 دا لااااااازم يكون معاك و انت شغال

طيب ليه يا عم الحج 

عشان دا اللي بتعمل بيه الapical bitancy

و دا معناه ايه يا عمونا

معناه انك بتعدي بفايل ال10 دا الابيكال فورامن بنص مللي(معاك لغايه 2مللي)

طيب و ليه الجنان دا؟؟؟

 عشان ببساطه انت و انت شغال بتزق بلاوي تحت الايبكس فبتعدي تجيبها بفايل حونين و ابن ناس و هو فايل ال10

غير انك بتتأكد ان الكانال لسا مفتوحه و انت ماسدتهاش

هارش؟؟

هارش

طيب ايه النقطه التانيه؟؟

الاريجاشن ثم الاريجاشن ثم الاريجاشن

الاريجاشن هو اللي بينضف و بيشيل بقايا البلب و كل حاجه 

ازاي يا عم الحج؟؟؟ اومال الفايل اللي مطلع روحنا دا ايه؟؟

لا الفايل دا لا مؤاخزة خبؤ و مابيلمسش اكتر من 30% من الكانال

يا نهار اوسح

طيب و الباقي؟؟؟

الباقي بيتجاب بالاريجاشن الكويس يا معلم

اللي هو عباره عن ايه بأه ؟؟؟

عباره عن كلور مركز و دافي و edta 

طيب لما اجي اعمل اريجاشن بعمله ازاي؟؟؟؟؟

الصح اننا بنجيب السن الlateral ventt اللي هو مفتوح من الجنب مش من عند نهايته و توصل بيه قبل الايبكس بمللي واحد و تبدا تعمل ارجاشن

طيب دا غالي 

هنجيب العادي و نوصل بيه قبل الايبكس ب33 مللي تقريباو نبدأ نعمل اريجاشن و مع الحقن بتحرك السن longtdinally 

و نضغط بالراااااااحه خالص

بلاش عنف في الاندو خالص

دا لمصلحتك انت والله

طيب و بعدين؟؟؟

طيب بعد ما تخلص تحضير للكانال هات الماستر كون و دخله 

واصل الحمد لله و عامل tug back 

يبأه قشطه

طبعا كده تمام نقفل بأه

لا يا حلو اصبر

هات الاريجاشن بتاعك و احقنه جوا الكانال

ماشي؟؟

ماشي

و بعدين هات الماستر كون الحلو اللي عامل tug back دا و اقطع منه 2 مللي 

تمام؟؟

تمام

طيب و بعدين

هات الماستر كون و دخله جوا الكانال و ابدأ تحركه longtdinal و بسرعه شديده

طيب كده انا بعمل ايه

 بعمل اكتيفاشن للاريجاشن عشان اوصل لكل حواري و مدقات الكانال و دا اللي بيساعد السيلر انه يخش في الlateral canales و يعملي الpuff تحت الايبكس و يدخل في الدلتا و في كل حته بعد كده

مقال مقدم من صديق الصفحة
mohammed nageeb zeyada
برجاء الدعاء له بذكر الغيب

و المره دي خنتكلم عن الfinishing 

استعنا عالشقى بالله

ركز معايا يا عمونا

دلوقتي احنا اتفقنا سابقا ان الفايل مابيلمسش اكتر من 30% من الكانال 

تمام؟؟

تمام

طيب الباقي؟؟؟؟

اتفقنا برضه اننا نعمل activationn للاريجاشن بتاعنا دا بيخليه يدخل يدوب اي حاجه باقية و يقضي على البكتيريا و يشيل الsmear layer

حلو الكلام؟؟

حلو

طيب احنا جايين نتكلم في ايه بأه؟؟؟

جايين نقول ان شركة FKG ماعجبهاش الكلام دا 

و قالت ان 70% من الكانال كتير جدا انك تسيبه للاريجاشن لوحده

طيب نعمل ايه؟؟؟؟

نستخدم الاختراع دا يا كوتش

دا ايه بأه سبادتك؟؟؟

دا عباره عن فايل عادي جدا في درجة الحراره المنخفضة

طيب اول ما اخرجه من العلبة او الانبوبه بتاعته و اعرضه لدرجة حرارة اعلى ايه اللي هيحصل؟؟

هنلاقيه بدأ يتقوس و ياخد كيرف 

طيب ايه الفايده؟؟؟؟

الفايده انه لما يدخل جوا الكانال في درجه حرارة 377 اللي هي درجة حرارة جسم الانساس هيبدأ ياخد الكيرف دا و دا هيخليه مع الدوران يوصل لمناطق عمر الفايل العادي ما هيوصلها لانه بالكيرف دا ممكن يحضر الكانال مهما كان شكلها و يوصل ل 85% من الكانال و دا بيسهل عمل الريجاشن بعد كده و بيضمن نتيجه افضل

طيب ازاي؟؟؟؟؟

اتفرج عالفيديو و ادعيلي


مقال مقدم من صديق الصفحة
mohammed nageeb zeyada
برجاء الدعاء له بذكر الغيب

هي دي عايزة سؤال

طبعا بالفايل

لا يا سيدي مش بالفايل بس 

بالفايل و بالاريجاشن معاليك

ازاي؟؟؟

الفكره ان الفايل اساسا مابيلمسش اكتر من 30% من الكانال

طيب لسا عندنا بكتيريا و pulp tissue 

و smear layer و بلاوي سوده 

طيب هنشيل الباقي دا ازااااااي؟؟؟

بالظبط كده 

بالاريجاشن

اللي هو عباره عن كلور و ايدتا في الاساس

طيب لما احقن الكلور في الكانال و خلاص زي ما بنعمل مش دا كفايه برضه؟؟؟

اه كفايه يا معلم بس تسيبه جوا الكانال على الاقل 30 دقيقه عشان يدوب كل حاجه

طيب ما دا مش ممكن ازاي هسيب الكلور جوا الكانال نص ساعه

اقولك ما تقلقش

عشان احنا مش ممكن نسيب الكلور جوا الكانال كل المده دي الناس الطيبين بتوع الاندو قالولك ايه بأه

احنا نعمل اكتيفاشن للكلور دا

طب ايه الاكتيفاشن دا يا عمونا

 دا معناه اني هحرك الكلور جوا الكانال بطريقه معينه عشان يديني نفس التأثير الناتج عن تركه نص ساعه جوا الكانال في ثواني فليله

طيب ازااااااااي؟؟؟

بالطريقه اللي هنقول عليها النهارده و هي 

الmanual dynamic agitation

الطريقه دي هي ارخص طريقه اقدر اعمل بيها activationn لانها مش محتاجه مني غير كون جتا بركا مش اكتر

طيب ازاي؟؟

ركز معايا يا عمونا

احنا خلصنا cl & sh و الكانالي خدت شكلها المظبوط و بقت ميت فل و عشره 

و بأه عندي مقاس واقف عليه على اساسه بجيب الماستر كون اللي هقفل بيه

تمام؟؟

تمام

طيب بجيب الماستر كون دا و ادخله الكانال و اتأكد انه جايب tug back كويس 

لقيته جايب tug back يبأه تمام 

طيب مش جايب

ببدأ اقص منه مللي و اجرب و اقص مللي و اجرب و هكذا لغاية ما اتأكد انه جايب  tug back كويس على الwl 

طيب و بعدين؟؟؟

بقوم جايب الكون اللي جايب tug back دا و اقص منه 2 مللي كمان

يعني بيبأه الكون اقصر 2 مللي عن الطول اللي جايب علبه tug back 

هارش؟؟؟

هارش 

 بعد كده احقن الكلور جوا الكانال و ادخل الكون اللي انا محضره دا و ابدأ ادخل و اخرج بيه بسرعه 100 مره في الدقيقه او بأسرع ما يمكن زي ما هو واضح في الفيديو كده

طيب لغاية امتى؟؟؟

لغاية ما الاقي لون الكلور بدل ما هو شفاف اتحول للون الابيض

طيب الكون دا هرجع اعمل لبه اوبتيوراشن؟؟؟؟

 لا طبعا بنجيب كون جديد خالص بعد كده نعمل بيه اوبتيوراشن

مقال مقدم من صديق الصفحة
mohammed nageeb zeyada
برجاء الدعاء له بذكر الغيب

اول حاجه بنعملها الAccess 

طيب مطلوب ان الاكسس دي توفرلي ايه؟؟؟

 يعني ما انا ممكن اقوم جايب اتخن بير عندي و انزل بيه و اقعد اقور في الضرس و اشيل معاميعه كلها و يبأه انا كده وصلت للpulp 

ايه لزمته الهم دا يعني

لزمته ان فيه 3 شروط اساسيين في الaccess دي لازم نوفرهم غير كده انت بتعك يا معلم

اول حاجه لازم الaccess دي

تديك direct line to foramen يعني تديك خط مستقيم من عند الocclusal surface لغايه الforamen بتاعة كل كانال من الكانالز الموجودين في الضرس دا

طيب قشطه

و ثانيا؟؟؟

ثانيا يا سيدي ان الaccesss دي ببساطه تكون فتحالي البالب كله و مخلياني اوصل لكل الكانالز الموجوده في الضرس دا بسهوله

طيب و ثالثا؟؟؟؟

ثالثا انك تكون conservative  في شغلك يعني ما تسرحش بالبير بمزاجك يعني من الاخر ماتقلبش الضرس حله و تقولي بعمل access و بدور على الكانالز

تمام؟؟؟

طيب 

تعالى بأه نبدأ نشتغل

 في الطريقه العاديه اللي كلنا اتعلمناها في الكليه و هي اني اجيب روز هد ابن حلال كده و مجعلص و اقوم نازل بيه في الناحيه الميزيال لغايه ما احس اني وقعت في هواء كدا او احس بدروب في الكونترا و انا شغال يبأه كده انا وصلت

طيب الطريقه دي فيها مشاكل كتير فاحنا هنستخدم طريقه تانيه حلوة برضه و لوز اللوز

احنا عارفين شكل الaccesss و حدودها في الضرس اللي قدامنا (هنشرحها كمان شويه و واضحه في الصورة)

تمام؟؟

طيب هنقول مثلا مثلث 

يبأه انا هرسم حدود المثلث دا من فوق عند

الocclusal surface باستخدام البير 

و بعدين ابدأ اتحرك في حدود المثلث دا و اشيل كل الenamell الموجوده في المثلث دا لغايه ما يبأه عندي كافيتي واصل للdentine على شكل المثلث دا 

طيب و بعدين؟؟؟

اقوم نازل بأه بالروز هد في اتجاه الكانال الاكبر و اللي بتكون مثلا في الlower 6 الكانال الديستال

ابدأ انزل بالراحه خالص

قابلني الدروب اللي هو احساس اني بنزل في هواء يبأه خير و بركه طيب لو ماقابلنيش؟؟؟

يبأه انا بنزل لغاية ما الاقي الحته دي اتغير لونها من الاصفر اللي هو لون الدنتين للون غامق اللي هو لون البالب هورن

بعد كده بجيب الsafe end بير و ابدأ اعمل ديروفينج او اشيل يعني كل الدنتين اللي مغطي البالب بالكامل

بعد ما اخلص ديروفنج اجيب البروب و ابدأ امشي على كل الwallss بحركه من جوه الكافيتي لبره بحيث لو لسا فيه اي حته بتعمل كاتش يبأه الحته دي لسا محتاجه دي روفنج

كده ابأه انا فتحت كافيتي مظبوط

طيب ايه شكل الكافيتي في الاسنان كلها و فين الاقي الكانالز و حدود الكافيتي ايه؟؟؟؟؟

اولا بص على الصوره تحت

بصيت؟؟؟

طيب ارجعلي تاني

احنا هنتكلم عن المولارز لانها هي الاهم

في الlower 6

عندنا 3 او 4 كانالز و الاغلب ال4

بيكونو فين؟؟؟

ركز معايا

احنا قدامنا الضرس اهه

عندك واحده تحت الcusp tip بتاعة الM.B cusp

و واحده تحت الcusp tip بتاعة الM.L cusp

و واحده عند التقاء الجروف اللي بين الديستال كاسب و الميديل كاسب مع السنترال جروف 

طيب لو 4 ؟؟؟؟

هتلاقي الديستال رايحه buccle او linguall يبأه فيه واحده تانيه في الاتجاه التاني يعني لو لقيتها رايحه buccle يبأه فيه واحده lingual و العكس

طيب الlower 7

زي ال6 بس فيه حالتين تانيين

و هو ان ممكن يكون قيه اتنين كانال بس على نفس الخط واحده ميزيال و واخده ديستال

او ممكن تلاقي كانال كبيره عامله زي البلاعه في وسط الضرس بالظبط

طيب بالنسبه لل upper 

انزل بص تاني كده عالسريع و تعالى

بالنسبه لل6

هنلاقي واحده تحت الM.P cusp 

و دي الكبيره ال palatal

هتلاقي واحده تحت الM.B cusp بس رايحه ميزيال شوية بسيطه عن الpalatal كانال و دي الB.M 

و هتلاقي واحده قريبه من الcusp tip بتاعة الB.D cuspp بس من غير ما تكسر الاوبليك ريدج (بص على الصورة)

طيب الMB2 هلاقيها فين

لو فيه الMB2 هتلاقي الMB كانال عامله زي الخط كده مش دايره 

بيبأه الخط دا اوله كانال و اخره كانال و بتبأه ديستال و بالاتال لللMB

طيب استعنا عالشقى بالله

ركز معايا يا عمونا

الcoronal flaring مهم جدا

طب لييييه؟؟

اول حاجه عشان اعرف احدد الinitial file بسهوله

طب ايه العلاقه؟؟؟

تعالى تصور معايا كده canal حجم الapix فيها 25 مثلا

تمام؟؟

تمام

و انت داخل بفايل 20 

المفروض يوصل بسهوله

مظبوط؟؟

مظبوط

بس انت بأه بتوصل بيه للapix بصعوبه 

ساعتها هتقول ان الinitial بتاعك هو ال20 مع انه المفروض يكون ال25 

طيب ايه اللي حصل؟؟؟

اللي حصل ببساطه ان الفايل اتزنق في اي constrictionn فوق فبالتالي الفايل مزنوق فوق و انت حاسس انه مزنوق تحت عند الapix

و عشان كده دايما استاذنا الدكتور احمد عبد الرجمن يقولك كل ما تتزنق تحت وسع فوق

تمام كده؟؟؟

تمام

طب ايه كمان؟؟؟

انك لازم توصل بالcanal للfunnel shape 

يعني ايه؟؟؟

يعني تخليها شبه القمع

طيب و دا هيفيدني في ايه معاليك؟؟؟

هيفيدك في كذا حاجه 

اولا الاريجاشن

تصور معايا كده انك بتصب ماء مره في انبوبه 

و مره بتصبها في قمع

 في الانبوبه الماء هتخش من الطرف الاول و تنزل من الطرف التاني بسرعه و هي واخده اتجاه واحد للسير

طيب في القمع؟؟؟

هتلاقي الماء عماله تلف في القمع الاول و بعدين تبدأ تنزل لتحت تدريجي

طيب دا معناه ايه؟؟

معناه ان شكل القمع دي بيديني flushing action لل canall و دا بيساعد على التنضيف و وصول الاريجاشن لمعظم الcanal

طيب ايه كمان؟؟؟

الfunnle shapee دا بيسهلي اني ادخل الاريجاشن تب لغاية الطول المناسب ( اللي هو اقل من الwl بمللي واحد لو شغال ب الlateral vent)

طيب ايه كمان؟؟؟

لما باجي ادخل السيلر 

لو انا مش عامل coronal flaring كويس السيلر كله هيتحوش فوق و مش هيخش الcanal 

و كده يبأه كأنك يا ابو زيد ما غزيت

طيب ايه كمان؟؟؟

لما اجي اعمل اوبتيوراشن و انا مش عامل coronal flaring كويس  السبريدر اللي بستخدمه مش هيخش معايا كويس ولا هعرف ادخل الكسيسوري كونز للكانال

طيب و دا ايه مشكلته؟؟؟

المشكله ان كد هيبأه عندي شوارع و انفاق جوا الاوبتيوراشن مش voidess بس و دا طبعا هيبوظلي الحاله

فيه ناس لما تيجي تشتغل بالروتاري تقوم عامله ايه؟؟

تجيب السيستم اللي هتستخدمه 

و تقوم عامله glide path 

و بعدين داخله بالفيلات بالترتيب اللي قايل عليه المصنع 

و افرم يا معلم

طيب في اوبتيوراشن تقوم عامله ابه؟؟؟

 تقوم جايبه كون مناسب لحجم اخر مقاس و مقفله بيه لوحده و شكرا

اول حاجه هنعملها هناخد x-ray

طب ليه؟؟

عشان نعرف الليله اللي احنا داخلين عليها دي نظامها ايه

يعني مثلا كام روت؟

الestimated length بتاعهم قد ايه؟

اخبار الcanals ايه و الcurvatures اللي فيها ايه ؟

كده يعني

طيب خدنا الx-ray و عرفنا كل حاجه

نجيب بأه الbur و نفتح صح؟؟

يا عم اصبر

هنركب الرابر دام بتاعتنا الاول

طب لييه؟؟؟

عشان انت اساسا في الاندو بتحارب بكتيريا فانت لو فتحت من غير رابر دام يبأه انت بتدخل بكتيريا جوا اساسا يعني بتزود الطينه بله

طيب ركبنا الرابر دام

نفتح بأه مظبوط؟؟؟

يا عم اصبر

ايه تاني؟؟؟؟

هنجيب قطنه بكلور و نطهر السنه الاول لان السنه برضه بيبأه واقف عليها بكتيريا و لو ما طهرتهاش الاول يبأه انت ما استفدتش حاجه من الرابر دام يا ناصح

طيب طهرنا يا سيدي نفتح بأه ولا فيه حاجه تانيه؟؟؟

اه كده نفتح يا معلم

بس اصبر

بلاش ابوس ايدك الrose head اللي دماغي دا

هات حاجه صغير كده و بنت حلال و ارسم شكل الaccess المظبوط الاول في الdentin كأنك عامل كافيتي عادي

طيب و بعدين؟؟؟

و بعد كده هتجيب الrose head دا و تنزل بيه براحه خالص لغاية ما تلاقي لون الpulp champer الغامق ظهر

كده دور الrose head دا انتهى

اومال هنعمل deroofing بايه؟؟؟؟

بbur تاني اسمه endo z

دا فشر بير عادي بس نهايته بنت حلال كده و مابتقطعش عشان ماتعملش بيرفوراشن

بتنزل بيه و تركن بيه على ال floor و بعدين تتحرك lateral بحيث تشيل كل الroof

جشته؟؟

جشته

بعد كده اول فايل هتمسكه هو فايل 10 و ابووووووس ايدك بلاش فايل ال20 اللي بتبدأ بيه دا يا مفتري

طيب و بعدين؟؟

هتظبط الفايل رقم 10 دا على الestimated length اللي انت واخده و تبدأ تدور بيه على الcanals

و كل ما توصل لكانال تخش بالفايل

وصلت للlength بتاعك يبأه خيط و بكره

ماوصلتش و خبطت في حاجه جوا الكانال

اوعى

اوعي

اوعي تضغط عليه

دا لمصلحتك انت والله

هتعمل ليدج و هنقعد احنا الاتنين نعيط جنبه

طيب يا عم و بعدين؟؟؟

لقيت كل الكانلز يبأه قشطه

فبه كانال مش لاقيها زي الmb2 مثلا

هندور عليها باييييه؟؟؟

اكيد مش بbur

هندور بالاتراسونك يا معلم

طب ازاي؟؟؟

هنجيب الاتراسونك و نبدأ ندور على الكانال الناقصه في المكان المتوقع ليها بالراحه

طيب مش ممكن نعمل بيرفوراشن بالاتراسونك؟؟؟

اكيد طبعا لو كنت غشيم

انت بتدور بالراحه خالص و اخرك تنزل من 2 ل 4 مللي مش اكتر من كده

طيب التب بتاعة الاتراسونك اسمها ايه؟؟؟؟

كل شركه ليها تب مختلفه و بما ان معظمنا عنده الوود بيكر يبأه هنجيب تب وود بيكر اسمها E3

تمام؟؟

تمام

فتحت الaccess و لقيت الكانالز يا عم؟؟

اه تمام

طيب بعد كده هنعمل ايه بأه؟؟؟

اول حاجه بعد كده coronal flaring

هنحط شوية EDTA جل حلوبن كده و ولاد حلال على كل اورفس

و بعدين نجيب اول فايل في السيستم اللي معانا و نبدأ ندخل بيه بالراحه خالص

دا هيدخل معانا 3 او 4 مللي كده

كده احنا فتحنا السكه كويس

شوية اريجاشن بأه حلوين بصوديوم هيبوكلوريد مركز كده عشان الصحصحه و عشان نخرج كل الdebris

تمام كده؟؟

تمام

طيب تعالى نحدد الwl بتاعنا بأه

هنحدده بايييييييه؟؟؟

بال apex locator

و بعد كده نأكد بالx-ray

طيب و بعدين؟؟

بعد كده نشف كويس الpulp champer

و هات الايبكس بتاعك و ركب فيه فايل كده ابن حلال ولا هو داخل مزنوق في الكانال ولا هو داخل loose

ابدأ خش بالراحه لغاية ما الايبكس يوصل معاك للخط الاحمر يعني هتعدي ال0.5 و ال0 و توصل انك عديت الapex بالفايل بتاعك

بعد كده ارجع لغاية ما الايبكس يوصل لل0 و خرج الفايل و قيس

و الطول اللي هيطلعلك نقص منه نص مللي و يبأه دا الwl بتاعك

طيب و بعد كده؟؟؟

بعد كده نشوف اول فايل بيوصل للwl و هو مزنوق و دا هو الinitial file

طيب هيفيدني بايه اني احدد الinitial file ؟؟؟

اني كده الماستر بتاعي هيبأه 3 مقاسات فوق الinitial

يعني لو كان الinitial مقاس 25 يبأه الماستر 40

و هكذا

بعد كده ايييييه؟؟

هنكمل شغل بالروتاري بأه

لا يا معلم

احنا عايزين نجهز الكانال كده و نظبطها و نفتحها و نفرشها رمله لجناب معالي الروتاري

يعني هنعمل ايه؟؟

هنعمل glide path الاول

طب ازاي؟؟

ابدا هنخش بفايل 15 و 20 لغاية الwl و نتأكد ان الكانال مفتوحه و بقت عباره عن انبوبه متصله و مفتوحه من اول الاورفس لغاية الايبكس

طب و بعدين؟؟

بعد كده نشتغل بأه و نكمل شغل بباقي فيلات سيستم الروتاري اللي معانا يبنفس الترتيب اللي قايل عليه المصنع

بس خللي بالك

الاريجاشن ثم الاريجاشن ثم الاريجاشن بين كل فايل و التاني

و ايه كمان؟؟

هنخش بفايل 10 بين كل فايلين روتاري نعمل

بيه apical patency و نتأكد ان الكانال مفتوحه كده و سالكه

و ايه كمان؟؟

كل فايل هنخش ببه لغاية الwl و نطلع على طول 4 مرات عشان نتأكد انك حضرت كويس

و ايه كمان؟؟؟

و انت طالع بالفايل بتسحب على الwalls عشان تدي flaring كويس للكانل

تمام؟؟

تمام يا معلم

طيب خلصنا الcl&sh نعمل obturation بأه

لا استنى

فيه حاجه مهمه

ايه؟؟؟

هنعمل اكتيفاشن للاريجاشن يا عم الحج

دا ليه يعني؟؟؟

عشان تلاريجاشن هو اللي بينضف اساسا و الاكتيفاشن دا هو اللي بيساعدني اوصل الاريجاشن لكل مزانق الكانال و مدقاتها و كمان عشان اسرع مفعوله

طيب هنعمله ازاي؟؟؟؟

ارجع للالتراسونك و انت بتجيب التب الE3 هنجيب تب كمان اسمها E1 و معاها فيلات بتركب فيها اسمها الU fils

هنركب الU file في الE1 و نركبهم في الاتراسونك و ندخل بيه في الكانالز و الاريجاشن جواها و تبدأ تشغل

هتبدأ الاهتزازات بتاعة الالتراسونك تحرك الاريجاشن و تسخنه و تظبطلك الدنيا

بس خلي بالك

الاريجاشن بصوديوم هيبوكلوريد مركز و EDTA

و افصل بينهم بsaline عشان مايتفعلوش مع بعض

و اكتيفاشن للاتنين طبعا

بعد كده نشف كويس عشان نبدأ بأه في اييييبه؟؟؟؟

مظبوط

في الاوبتيوراشن

قبل ما تبدأ في الاوبتيوراشن هنجيب الماستر كون و نتأكد انه واصل للwl و جايب tug back

طيب مش جايب؟؟؟

هنقطع منه مللي و نجرب تاني و هكذا لغاية ما يظبط معاك و يبأه واصل للwl و جايب tug back

بعد كده هات الاسبريدر الموازي للماستر فايل

يعني الماستر 40 هات اسبريدر 40

و حط الاتنين في الكانال لو الاسبريدر واصل لقبل الwl ب1او 2 مللي يبأه تمام

ماوصلش يبأه هات الاسبريدر الاقل و جربه

وصل قشطه

ماوصلش يبأه انت محتاج تعمل شوية flaring كمان

قشطه؟؟

قشطه

طيب بعد كده هندخل السيلر جوا الكانال ازاي؟؟؟

بالاتراسونك يا معلم

بنحط السيلر على الu file بتاع الالتراسونك و ادخل جوا الكانال و شغل عشان تضمن انك وزعت السيلر كويس

بعد كده نبدأ الclc

بعن حط الماستر كون في الكانال و ادخل بالاسبريدر بتاعك اعمل space للاكسيسوري كون

بس خللي بالك

و دايما استخدم كون اصغر من مقاس الاسبريدر عشان يوصل معاك

طيب و بعدين؟؟؟

افضل ادخل بالاسبريدر و حط اكسيسوري كون لغايه ما الاسبريدر مايدخلش تاني

بعد كده احرق الزياده من عند الاورفس و اكبس الباقي بكوندنسر رفيع

و بكده نكون خلصان الrct بتاع الكانال

مقال مقدم من صديق الصفحة
mohammed nageeb zeyada
برجاء الدعاء له بذكر الغيب