Cool Blue Outer Glow Pointer

endodontic retreatment

النهارده هنتكلم عن ايه؟؟؟



هنتكلم عن ازاي تشيل ال #gutta_percha عشان تعمل #retreatment 
تمام؟
تمام
طب ركز معايا يا عمونا 
هنحتاج ايه عشان نشيل البتاعه دي؟؟؟
هنحتاج endo motor و كيت فيلات للretreatment و Hfiles تمام كده؟؟
تمام
طيب هنعمل ايه دلوقتي؟؟
هنشيل الكومبوزت القديم او الامالجم و نخش نشتغل طبعا
لا
غشبيييم
اول حاجه محتاجينها هي x ray 
طب ليه؟؟
عشان كذا حاجه
عد معايا 
اولا عشان احدد الاوبتيوراشن اللي قدامي دا حلو ولا وحش ولا وضعه ابه 
طيب دا هيفيدني بايه؟؟؟
هيفيدني اني هبأه متوقع ان لو اوبتييوراشن تعبان هيطلع معايا سهل 
لو اوبتيوراشن كويس و اللي عمله حد عنده ضمير هيطلع عيني(متعبين  اللي عندهم ضمير دول يا اخي)
طيب ايه كمان؟؟
هيفيدني اني اعرف طول الاوبتيوراشن دا قد ايه تقريبا 
طب ايه كمان ؟؟
هيفيديني اني اعرف هل الاوبتيوراشن دا قصير ولا واقف مظبوط على الapex  فاخاف ازقه في الpreapical area 
ولا هو اساسا معدي فاخاف اقطع الجزء الزياده المعدي تحت دا
طيب يا سيدي خدنا x ray و كله تمام 
هنعمل ايه بأه؟؟؟
اقولك انا هتعمل ايه 
هتركب رابر دامك
هتشيل الكومبوزت او الامالجم القديم 
و بعدين نبدأ الشغل الجد بأه
اللي هو ازاي يعني؟؟
شوف يا سيدي
اول حاجه هتجيب طول الاوبتيوراشن اللي اخدناه من الxray و نقسمه ل3 اجزاء 
الcoronal و الmiddle و الapical 
و كل جزء من دول هنشيله لوحده 
طيب و بعدين؟؟؟
هنجيب الموتور و الكيت بتاعة الretreatment ( فيه منها انواع كتيره من كل الشركات زي اللD-race بتاعة شركة fkg مثلا)
طيب هنشتغل بيهم ازاااااااي بأه؟؟؟
شوف يا سيدي
صلي بينا عالنبي
عليه افضل الصلاة و السلام
اول فايل في الكيت دي بنشيل بيه الكورونال بس 
هنظبط الstoperr بتاعته على تلت الطول و بنخش بيه و هو شغال في قلب الجتا برشا نفرم جواها و نطلع و احنا بنسحب على الwall 
و بعدين؟؟
و بعدين نكرر الحركه دي كذا مره لغاية ما نشيل كل الجتا برشا الموجوده في الcoronal third 
تمام؟؟
تمام
طيب بالنسبه للmiddle هنجيب الفايل التاني في الكيت و نظبط الstoper بتاعته برضه
بس المره دي على طول قد ايييييه؟؟؟
على تلتين الاوبتيوراشن
و نبدأ نعمل نفس الحركه 
اللي هي ايييه؟؟؟
نخش نفرم في قلب الجتا برشا و نطلع و احنا بنسحب على الwall 
جشته؟؟؟
جشته
طيب بالنسبه للapical بأه؟؟؟؟
هنا نبدأ نجيب الH file 
هنجيب H file مقاس كبير سنه زي ال25 او ال30 
و نبدأ نخش بيه 
نغرز في قلب الجتا برشا و نلف ربع لفه بحيث الفايل يعشق في الجتا برشا و نطلع بيها 
و نكرر العمليه دي كذا مره لغاية ما نخش بالفايل ما نلاقيش جتا برشا جوا
تمام كده؟؟؟
تمام
طيب خد بالك بأه 
لما تيجي تشيل الapical partt من الجتا برشا خش بالرااااااحه خالص عشان تتفادى انك تزق حاجه تحت
طيب ايه كمان؟
لو الاوبتيوراشن تعبان او single cone و خلاص يبأه مش هتحتاج الهم دا 
كل اللي انت محتاجه انك هتخش بفايل H حلو و ابن حلال كده و تغرز بيه في الجتا برشا و لف ربع لفه و اطلع 
هتلاقيه طالع معاك و الدنيا حلوة و العصافير بتزقز 
طيب ايه كمان
لو معاكش endo motor ممكن تشيل الجزء الcoronal بgates 
هتستخدمهم من الكبير للصغير 
يعني 3 و بعدين 2 
و بعد كده هتشيل الباقي بالH file 
بس بالراحه خالص و شيل الmiddle لوحده و الapical لوحده
طيب ايه كمان؟؟
لو معكش كيت الريتريتمنت ممكن تجيب اي orefice opener تشيل بيه الcoronal
و اي فايل روتاري حجمه مناسب تشيل بيه الmiddle 
طيب ايه كمان؟؟
طول ما انت بتخش بالفايل و تحس انك بتغرز في حاجه طريه كده يبأه لسا فيه جتا برشا جوا
اول ما يختفي الاحساس دا يبأه انت كده شيلت كل الجتا برشا او معظمها
طيب ايه كمان؟؟؟
خلي بالك لو الاوبتيوراشن قصير حبتين غالبا تحته هتلاقي ليدج فخش بحزر عشان ماتلبسش
طيب ايه كمان
فيه ناس هتقول الكرافين و الكلوروفورم نستخدمهم ولا لا
اقولك بلاش
طب ليه؟؟
عشان بتظروط الدنيا و بتخلي الجتا برشا تلزق في الwalls و بتبأه مقرفه في شيلانها 
 استخدم الحاجات دي في اضيق الحدود لما الجتا برشا بتبأ ناشفه جدا
مقال مقدم من صديق الصفحة
mohammed nageeb zeyada
برجاء الدعاء له بذكر الغيب

  • Digg
  • Del.icio.us
  • StumbleUpon
  • Reddit
  • RSS