Cool Blue Outer Glow Pointer

coronal flaring

بسم الله الرجمن الرحيم


ازيكو يا جماعه
كذا مره حد يسأل 
ايه لزمة الcoronal flaring
يعني لو ما عملتوش ايه اللي هيحصل يعني 
طيب استعنا عالشقى بالله
ركز معايا يا عمونا
الcoronal flaring مهم جدا
طب لييييه؟؟
اول حاجه عشان اعرف احدد الinitial file بسهوله
طب ايه العلاقه؟؟؟
تعالى تصور معايا كده canal حجم الapix فيها 25 مثلا
تمام؟؟
تمام
و انت داخل بفايل 20 
المفروض يوصل بسهوله
مظبوط؟؟
مظبوط
بس انت بأه بتوصل بيه للapix بصعوبه 
ساعتها هتقول ان الinitial بتاعك هو ال20 مع انه المفروض يكون ال25 
طيب ايه اللي حصل؟؟؟
اللي حصل ببساطه ان الفايل اتزنق في اي constrictionn فوق فبالتالي الفايل مزنوق فوق و انت حاسس انه مزنوق تحت عند الapix
و عشان كده دايما استاذنا الدكتور احمد عبد الرجمن يقولك كل ما تتزنق تحت وسع فوق
تمام كده؟؟؟
تمام
طب ايه كمان؟؟؟
انك لازم توصل بالcanal للfunnel shape 
يعني ايه؟؟؟
يعني تخليها شبه القمع
طيب و دا هيفيدني في ايه معاليك؟؟؟
هيفيدك في كذا حاجه 
اولا الاريجاشن
تصور معايا كده انك بتصب ماء مره في انبوبه 
و مره بتصبها في قمع
 في الانبوبه الماء هتخش من الطرف الاول و تنزل من الطرف التاني بسرعه و هي واخده اتجاه واحد للسير
طيب في القمع؟؟؟
هتلاقي الماء عماله تلف في القمع الاول و بعدين تبدأ تنزل لتحت تدريجي
طيب دا معناه ايه؟؟
معناه ان شكل القمع دي بيديني flushing action لل canall و دا بيساعد على التنضيف و وصول الاريجاشن لمعظم الcanal
طيب ايه كمان؟؟؟
الfunnle shapee دا بيسهلي اني ادخل الاريجاشن تب لغاية الطول المناسب ( اللي هو اقل من الwl بمللي واحد لو شغال ب الlateral vent)
طيب ايه كمان؟؟؟
لما باجي ادخل السيلر 
لو انا مش عامل coronal flaring كويس السيلر كله هيتحوش فوق و مش هيخش الcanal 
و كده يبأه كأنك يا ابو زيد ما غزيت
طيب ايه كمان؟؟؟
لما اجي اعمل اوبتيوراشن و انا مش عامل coronal flaring كويس  السبريدر اللي بستخدمه مش هيخش معايا كويس ولا هعرف ادخل الكسيسوري كونز للكانال
طيب و دا ايه مشكلته؟؟؟
المشكله ان كد هيبأه عندي شوارع و انفاق جوا الاوبتيوراشن مش voidess بس و دا طبعا هيبوظلي الحاله


طيب هنا ييجي بأه السؤال اللولبي
ازاي اعمل coronal flaring كويس  ؟؟؟؟؟

قبل ازاي انت لازم تعمله قبل ما تشتغل جوا الكانال 
يعني انسى الstep back و خليك في الhybred tech
طيب ليه؟؟؟؟
عشان تستفبد بكل المميزات اللي فوق دي من الاول
تمام؟؟؟
تمام
طيب لو انت شغال مانيوال يبأه عليك و على الgates gliden 
هتاخدهم من الاكبر للاصغر 
يعني مثلا لو هتدأ بمقاس 3 
يبأه 3 و بعدين 2 و بعدين 1
طيب كده تمام قوي
لا استنى
فيه ايه تاني؟؟؟
و انت داخل بالجيتس بتخش بالراحه خااااااالص
ماشى؟؟؟
ماشي
و كمان بتقف اول ما تلاقي resistance و ماتحاولش تضغط عليه نهاااااااائي
طيب ايه كمان؟؟؟
انت تخش بالجيتس و هي شغاله و تطلع و هي شغاله و براحه و بتتحرك up &down و ما تقفش
طيب فيه طريقه تانيه للcoronal flaring ؟؟
ممكن تستخدم المانيوال sx و بيباه الحركه بتاعته reaming motion
زي حركة ال روتاري كده
 بس برضه طبعا بالراحه و ماتضغطش عليه نهائي

طيب لو هشتغل روتاري؟؟؟
ماتقلقش اي سيستم روتاري هيعمل الcoronal flaringg لوحده و من الاول

مقال مقدم من صديق الصفحة
mohammed nageeb zeyada
برجاء الدعاء له بذكر الغيب

  • Digg
  • Del.icio.us
  • StumbleUpon
  • Reddit
  • RSS